Koronabirusaren semaforoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Ermua eta Legazpi eremu gorrira igaro dira

Lazkaok, berriz, eremu latzenetik irtetea lortu du eta laranjan dago gaurtik aurrera semaforoa. Arabako eta Bizkaiko udalerri guztiak gorri daude.
Grafikoa: EITB Media.
Grafikoa: EITB Media.
author image

ANE SANTESTEBAN | EITB MEDIA

Azken eguneratzea

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Ermuak eta Legazpik ez diote laranjari eustea lortu, eta gorri jarri da semaforoa bi udalerri horietan, covid-19ak EAEn herriz herri izan duen eragina neurtzeko duen Eusko Jaurlaritzako Osasun Sailaren semaforoaren arabera. Lazkaok, berriz, datuak hobetu ditu eta gorritik laranjara igaro da. Bizkaian eta Araban udalerri guztiak daude eremu gorrian.

Arabak (655 kasu 100.000 biztanleko) eremu gorrian jarraitzen du, baita Gasteiz hiriburuak eta Arabako beste hiru udalerriek ere (Agurain, Amurrio eta Laudio).

Horrenbestez, ez dago udalerri handirik eremu laranjan, horian edo berdean Araban.

Bizkaia ere (875 kasu 100.000 biztanleko) eremu gorrian dago, Bilbo tartean. Gainera, Ermua laranjatik irten eta gorrira igaro da azken orduetan. Beraz, Bizkaiko udalerri guztiak daude gorri kolorez margotuta, eta ez dago herri bakar bat ere eremu laranjan, horian edo berdean.

Gipuzkoa (844 kasu 100.000 biztanleko) eremu gorrian dago, baita hiriburua eta herri ia guztiak: Andoain, Arrasate, Aretxabaleta, Astigarraga, Azkoitia, Azpeitia, Beasain, Bergara, Deba, Donostia, Eibar, Errenteria, Hernani, Hondarribia, Irun, Lasarte-Oria, Lezo, Mutriku, Oiartzun, Oñati, Ordizia, Orio, Pasaia, Tolosa, Urnieta, Urretxu, Villabona, Zarautz, Zumaia eta Zumarraga. Azken orduan Legazpi gehitu zaio zerrendari.

Lazkao laranjan dago gaurtik aurrera, egoerak hobera egin eta eremu latzenetik irten ostean, eta, Usurbilek eremu horiari eutsi dio. Horiz dagoen EAEko udalerri bakarra da.

Horrenbestez, ez dago udalerririk eremu berdean.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
Ospitaleetako presioak gora jarraitzen du, eta 1.572 positibo berri zenbatu dituzte Euskadin
Gizartea Bermeo Bilbo Amurrio Barakaldo Getxo Santurtzi Basauri Erandio Ermua Galdakao Azpeitia Elgoibar Sestao Eibar Tolosa Hernani Portugalete Sopela Mungia Donostia Gernika Lumo Laudio Arrasate Muskiz Zarautz Bergara Zumaia Villabona Usurbil Urnieta Oñati Balmaseda Beasain Lekeitio Ortuella Pasaia Andoain Gasteiz Agurain Oiartzun Astigarraga Deba Durango Arrigorriaga Ondarroa Trapagaran Eguneko Titularrak Orio Lasarte-Oria Errenteria Zumarraga Azkoitia Ordizia Abanto Berango Derio Urretxu Zalla Elorrio Legazpi Aretxabaleta Lezo Etxebarri Abadiño Gueñes Gorliz Mutriku Lazkao Markina-Xemein Covid-19aren aldaera berriak

Zure interesekoa izan daiteke

Gehiago ikusi
Publizitatea
X