Agurain, Ondarroa eta Lazkao eremu gorrira igaro dira
(OHARRA: Koronabirusaren semaforoa astean behin eguneratuko da aurrerantzean, astelehenero)
Intzidentziak gora egiten jarraitzen du Euskadin, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Urnieta zen eremu gorrian zegoen udalerri bakarra, baina Agurain, Ondarroa eta Lazkao gehitu zaizkio. Datuak lurraldez lurralde aztertuta, Arabak berdeari eutsi dio eta Bizkaia eta Gipuzkoa horiz ageri dira.
Arabak gune berdean jarraitzen du (47 kasu), eta eremu berean daude Gasteiz eta Amurrio. Laudiok hori jarraitzen du, eta Agurainen egoerak nabarmen egin du okerrera eta gorri jarri da semaforoa. Ez dago udalerririk eremu laranjan.
Bizkaiak, eremu horiari eutsi dio (71 kasu 100.000 biztanleko), baina intzidentziak gora egin du lurraldean. Hala, Ondarroa eremu gorrira igaro da azken egunotan. Ez dago kolore laranjaz ageri den udalerririk.
Eremu horiari dagokionez, zerrenda hazi egin da. Arrigorriaga, Balmaseda, Berango, Galdakao, Getxo, Leioa, Markina-Xemein, Portugalete, Sestao, Sopela eta Trapagaran hori dauden udalerrien artean ageri dira, eta Bermeo, Bilbo, Leioa eta Zornotza gehitu dira zerrenda horretara azken orduotan.
Udalerri berdeak honako hauek dira: Abanto, Abadiño, Barakaldo, Basauri, Derio, Durango, Elorrio, Erandio, Ermua, Etxebarri, Gernika-Lumo, Gorliz, Gueñes, Lekeitio, Mungia, Muskiz, Ortuella eta Zalla. Santurtzi izan da ere horretan sartzen azkena, datuak hobetu ostean.
Gipuzkoak horiz jarraitzen du, eta azken egunetan gora egin du intzidentziak, 100.000 biztanleko 93 kasu baitituzte bertan. Urnieta gorriz ageri da, eta Lazkao ere bai.
Arrasatek, Azkoitiak, Azpeitiak, Beasainek, Bergarak, Donostiak, Eibarrek, Elgoibarrek, Lazkaok, Mutrikuk, Oñatik, Urretxuk, Zarautzek eta Zumarragak horian jarraitzen dute. Andoain, Arrasate, Lezo, Orio, Tolosa, Usurbil eta Villabona ere batu zaizkie, horian dauden udalerrien zerrendan.
Udalerri berdeak honako hauek dira: Aretxabaleta, Astigarraga, Deba, Errenteria, Hernani, Hondarribia, Irun, Lasarte-Oria, Legazpi, Oiartzun, Ordizia, Pasaia, Usurbil eta Zumaia.
Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.