Gipuzkoak ere lortu du 2.000 kasutik behera jaistea intzidentzia-tasa metatua
(OHARRA: Koronabirusaren semaforoa astean bitan eguneratuko da aurrerantzean, astelehen eta ostegunetan)
Aste askotan 2.000 kasutik gora atzeman ostean, Gipuzkoa langa horren azpitik kokatu da, 1.515 kasurekin, covid-19ak herriz herri izan duen eragina neurtzeko erabiltzen den semaforoaren azken datuen arabera. Dena dela, EAEko herri gehienetan egoerak hobera egin badu ere, kolore gorria da nagusi semaforoen mapan. Bermeo da gaur-gauzkoz intzidentzia txikiena duen udalerria, 691ko intzidentzia baitu.
Araban, intzidentziak behera egiten jarraitzen du, 1.362 kasukoa baita (1.826 kasukoa zen ostegunean) eta herri guztiak daude 2.000 kasutik behera. Amurrio da lurraldean intzidentzia handiena duen udalerria, baina 2.000tik jaistea lortu du (1.868). Atzetik ditu Laudio, 1.504 kasuko intzidentzia metatuarekin, eta Gasteiz, 100.000 biztanleko 1.378koarekin; otsailaren 10ean, 1.915 kasuko intzidentzia zeukan.
Bizkaian, ostegunean 1.916 kasuko intzidentzia izatetik 1.298koa izatera igaro da. Herri handi guztiek 2.000 kasutik beherako intzidentzia dute, eta badira 1.000tik jaistea lortu dutenak ere, Bermeo (691) edo Lekeitio (913) kasu. Bilbon ere, hobera egin du egoerak, intzidentzia metatua 1.740koa izatetik 1.250koa izatera pasatu baita.
Egoera asko hobetu da Gipuzkoan, nahiz eta gaur-gaurkoz lurralde zigortuena izaten jarraitu. Intzidentzia metatua 2.130 kasukoa izatetik 1.515 kasukoa izatera igaro da. Donostian ere, hobera egin dute datuek, gaur 100.000 biztanleko 1.548 kasukoa baitute Gipuzkoako hiriburuan. Hondarribia, Astigarraga eta Usurbil dira intzidentzia handiena duten udalerriak, eta Zumarragak du txikiena.
Covid-19aren semaforoa Europar Batasunak (EB) onartutako kolore-maparen egokitzapena da, eta azken 14 egunetan metatutako intzidentzia-tasa jasotzen du.
Zure interesekoa izan daiteke
40 urteko gizon bat atxilotu dute Bilbon, bikotekide ohiari sexu-erasoa egitea egotzita
Emakumeak ustezko erasotzailearengandik ihes egitea lortu du. Gizona epailearen esku geratzeko zain dago, ertzain-etxean. Genero-indarkeriaren eremuan sexu-erasoa egitea leporatzen diote.
Erregetako sari potoloak, 06703 zenbakiak, 6,8 milioi utzi ditu Hego Euskal Herrian
Bilbo, Gasteiz, Donostia eta Iruñea, zorioneko herrien artean, Elorrio, Oiartzun, Cordovilla eta Cintruenigorekin batera.
Euskal hiriburuetako kaleetan barrena ibili dira Errege Magoak
Umeek eta helduek kale bazterrak bete dituzte Gasteizen, Bilbon, Donostian eta Iruñean Meltxor, Gaspar eta Baltasar ikusi eta gozokiak eskatzeko. Haien laguntzaileekin eta bestelako pertsonaiekin batera desfile koloretsuak egin dituzte, gauean zehar opariak banatu aurretik.
362.000 pertsona baino gehiagok bisitatu dute Donostiako Aquariuma 2025ean
Gipuzkoako baliabide turistiko eta kultural bisitatuena da, eta Euskadiko bigarrena, Bilboko Guggenheim Museoaren atzetik.
Ertzain bati droga eskaini zion Oñatiko gozoki denda bateko langile bat atxilotu dute
Miaketan 190 gramo kokaina, 100 gramo haxix eta 11.825 euro atzeman zituzten.
Gizon batek emakume bat hil du Jaenen
Quesadan hildako emakumea eta haren bikotekide ohia, atxilotuta dagoeneko, VioGen sisteman izena emanda zeuden.
Errege Magoak Euskal Herrira iritsi dira
Hotza gorabehera, Errege Magoek ez dute hutsik egin eta ongietorria ematera hurbildu diren haurrak agurtu dituzte. Gaur arratsaldean kaleak ilusioz eta magiaz beteko dira desfilean zehar.
Gripe kasuek % 4 egin dute gora Euskadin Gabonetako ospakizunen osteko astean
Batez besteko intzidentzia 100.000 biztanleko 721 kasukoa da, aurreko astean baino 54 puntu gehiago: 830 Araban, 736 Bizkaian eta 652 Gipuzkoan
Ehunka opil solidario banatu ditu Caritasek, 2 euroan, Bilbon eta Donostian
Bilbon 3.000 opil-zati banatu dituzte haur zaurgarriei laguntzeko, eta Donostian 1.500 zati banatu dira Gipuzkoako Caritasen programak eta zentroak babesteko.
Mendizale baten gorpua aurkitu dute Aiako Harrian
Igandean hasi ziren 54 urteko gizonaren bilaketa lanak, eta gaur goizean aurkitu dute iristeko zaila den gune batean, bilaketa dispositibo handi baten ostean.